У 2021 закрылася на 40% больш айцішных ІП, чым у 2020



За 2021 год у Беларусі зафіксаваны самы нізкі за некалькі гадоў прырост ІП у галіне ІТ і сувязі — плюс 3,7%. Статыстыку сапсавалі ІП, якія вырашылі спыніць дзейнасць. Іх аказалася на 42% больш, чым у 2020 годзе, паведамляе dev.by.

Мяркуючы па даных афіцыйнай статыстыкі, колькасць ахвочых пачаць працаваць у ІТ і сувязі ў якасці ІП пакуль расце. Калі ў 2020 годзе было зарэгістравана 2083 новых ІП у гэтым сектары, то за мінулы год на 2% больш — 2 128 ІП.

Але колькасць ахвочых закрыць ІП расце яшчэ хутчэй. Дзейнасць летась спынілі 1372 ІП. Гэта рэкордная колькасць за апошнія чатыры гады. У 2020 годзе ў ІТ і сувязі закрыліся 967 ІП.

Для закрыцця ІП магло быць шмат прычын: фінансавая безгрунтоўнасць, працаўладкаванне ў кампанію ў якасці штатнага супрацоўніка, рэлакейт, нежаданне працаваць у якасці ІП у новых падатковых умовах.

Усяго ў ІТ і сувязі на пачатак гэтага года працавалі 14,4 тысячы ІП. Гэта 5,2% ад агульнай колькасці ІП, якія працуюць у Беларусі (274,3 тысячы).

На пачатак 2021 года ў ІТ і сувязі працавала 13,9 тысячы ІП-5,1% ад усіх ІП.

[manual_related_posts]