У Беларусі будуць стрымліваць цэны на імпартную гародніну і сыры



У Беларусі ўлады вырашылі стрымліваць цэны на імпартныя садавіну, гародніну і сыры. Адпаведнае рашэнне апублікавана на сайце МАРГ.

Камісія па пытаннях дзяржаўнага рэгулявання цэнаўтварэння пры Саўміне вызначыла асаблівы парадак устанаўлення цэн на свежую капусту белакачанную, цыбулю рэпчатую, буракі, моркву, бульбу і яблыкі (далей — агародніну і садавіну), якія да 1 студзеня 2022 г. не ўвозіліся ў Беларусь, а таксама на сыры, якія вырабляюцца ў рэспубліцы, цвёрдыя і паўцвёрдыя.

Адпускныя цэны імпарцёраў на гародніну і садавіну, адпускныя цэны вытворцаў на сыры цвёрдыя і паўцвёрдыя, а таксама цэны рэалізацыі на названыя тавары суб’ектамі гаспадарання, якія ажыццяўляюць аптовы і (або) рознічны гандаль, фармуюцца з улікам абмежаванняў, устаноўленых у адпаведнасці з пастановай Міністэрства антыманапольнага рэгулявання і гандлю ад 21 снежня 2021 г. № 79.

Указаны парадак устанаўлення цэн на імпартаваную гародніну і садавіну, якія да 1 студзеня 2022 г. не ўвозіліся ў Беларусь, а таксама на сыры, якія вырабляюцца ў краіне, уступае ў сілу з 20 студзеня 2022 г.

Нагадаем, пастанова нумар 79 абмяжоўвае гранічную рэнтабельнасць для імпарцёраў і вытворцаў сацыяльна значных тавараў. Яна не павінна перавышаць 10 працэнтаў ад рэнтабельнасці за студзень-лістапад 2021 года. Акрамя таго, для імпарцёраў і аптавікоў прапісаны гранічныя максімальныя надбаўкі.

[manual_related_posts]