Украіна атрымае ад Польшчы 100 мільёнаў еўра
Год таму
Польшча мае вылучыць 100 мільёнаў еўра крэдыту Украіне. Такое рашэнне напярэдадні прыняў польскі ўрад. Паводле міністра фінансаў Польшчы Матэвуша Шчурка, гэта крэдыт, абяцаны ў пачатку года прэм’ер-міністрам Польшчы Эвай Копач у Кіеве. Грошы з крэдыту пойдуць на фінансаванне мадэрнізацыі дарог і пабудову польска-ўкраінскіх памежных пераходаў.
Крэдыт, паводле польскага міністра, з’яўляецца звязаным: прынамсі 60 працэнтаў грошай маюць пайсці на пакупку Украінай тавараў і паслугаў з Польшчы. Усе праекты ў межах крэдыту будуць рэалізаваныя польскімі экспарцёрамі.
Як заявіў Матэвуш Шчурэк, крэдыт – гэта не толькі спосаб падтрымкі польскага бізнесу, але і палітычная ды гаспадарчая падтрымка Украіны.
Беларускае Радыё Рацыя
Фота news.meta.ua
