Алена Гундар: Ідзе вынішчэнне беларускасці



Ні ў школьных, ні ў гарадскіх Баранавіцкіх бібліятэках распараджэння пра тое, што трэба выкінуць з фондаў бібліятэк кнігі 33 нелюбімых рэжымам пісьменнікаў, яшчэ не было.

Алена Гундар. Фота novychas.online

Пра гэта кажа былы бібліятэкар з Баранавіч Алена Гундар:

– Былі нейкія рэкамендацыі па прагляду фондаў наконт экстрэмісцкай літаратуры, але канкрэтных назваў ці аўтараў яшчэ пакуль не было. А што такое экстрэмісцкая літаратура, ніхто не расказвае.

На думку спадарыні Алены, калі такое распараджэнне з’явіцца, то толькі для таго, каб знішчыць беларускамоўных літаратараў з „неправільнага” зліквідаванага ўладай „Саюза беларускіх пісьменнікаў”:

– Іх аб’ядноўвае толькі тое, што яны ў свой час уваходзілі ў Саюз беларускіх пісьменнікаў, які зараз закрылі. То бок ідзе вынішчэнне беларускасці, каб тут застаўся расейскі мат.

Паводле Алены Гундар, трэба спадзявацца, што здаровы сэнс хоць у гэтым выпадку пераможа.

Беларускае Радыё Рацыя

[manual_related_posts]