Беларусы Берасцейшчыны: ніхто не хадзіў на так званы „рэферэндум”



Беларусы ў большасці засталіся раўнадушнымі да так званага рэферэндуму, які больш напамінаў спецаперацыю тых, хто захапіў уладу ў 2020. Асабліва на фоне развязанай Пуціным вайны з Украінай, якую падтрымаў дыктатар Лукашэнка, гавораць людзі з Берасцейшчыны:

– Я абсалютна абыякавы да гэтай працэдуры, і вакол мяне людзі таксама абсалютна абыякавыя, нікому гэта не цікава. І нікога не цікавіць ніякі вынік.

– Я пра яго і не думаю нічога!

– Я вырашыла наогул не ісці, а некаторыя датэрмінова прагаласавалі, але не чыталі змены.

– Не, я не хадзіў на рэферэндум, я ўвогуле не хачу галасаваць. Таму што няма за што галасаваць: працы няма, на працу на ўладкавацца.

Паколькі незалежных назіральнікаў на участках не было, то вынікі «рэферендума» прагназуемы: пад 80 адсоткаў прагаласаваўшых.

Беларускае Радыё Рацыя

[manual_related_posts]