Беларусы могуць паставіць ацэнку дзяржарганізацыям за якасць паслуг



У Беларусі створаны партал рэйтынгавай ацэнкі дзяржаўных арганізацый (качество-услуг.бел).

Мінсувязі прапануе грамадзянам скарыстацца магчымасцямі партала і па 5-бальнай шкале ацаніць якасць працы дзяржарганізацый. Так, сваё меркаванне можна выказаць пра ступень прастаты і зразумеласці працэсу атрымання паслугі, даступнасці інфармацыі аб парадку яе атрымання, захаванні тэрмінаў, ветлівасці і добразычлівасці супрацоўнікаў.

З улікам пастаўленых адзнак на партале будзе аўтаматычна фармавацца адпаведны рэйтынг арганізацый. Ён дасць магчымасць павысіць эфектыўнасць і якасць работы дзяржустаноў, адзначылі ў Мінсувязі.

Да 1 студзеня 2019 года партал працуе ў тэставым рэжыме.

Партал рэйтынгавай ацэнкі арганізацый распрацаваны Інстытутам прыкладных праграмных сістэм па замове Мінсувязі.

zviazda.by