Берасцейскі актывіст судзіцца з былым працадаўцам
У судзе Маскоўскага раёну Берасця прайшло трэцяе пасяджэнне па іску Сяргея Вакуленкі да кіраўніцтва прыватнага прадпрыемства “Дэльфа-Буг”.
Актывіст хоча праз суд даказаць факты дыскрымінацыі з боку наймальніка і беспадстаўнасць звальнення. Былі выслуханы сведчанні з абодвух бакоў. Начальства кажа, што Вакуленка быў добрасумленным работнікам, але “бударажыў калектыў”. Кажа Сяргей Вакуленка:
– Як толькі хтосьці да мяне падыходзіў, прыбягала Альбіна Пятроўна: „Мне патэлефанавалі, што каля вас знаходзяцца людзі”. Я дапамагаў бараніць інтарэсы работнікаў і свае асабістыя, таму людзі да мяне падыходзілі толькі ў вольны ад працы час. Я канешне чым змог дапамог.
Цалкам рэпартаж слухайце ў далучаным файле:
Судовы працэс працягнецца 26 жніўня а 11-й гадзіне. Нагадаем, што Сяргею Вакуленку – адзінаму ў калектыве быў не працягнуты працоўны кантракт, нягледзячы на тое, што ён меў самы высокі прафесійны разрад і бездакорна спраўляўся з абавязкамі. Кіраўніцтву замінала прынцыповая пазіцыя Вакуленкі адносна парушэнняў умоваў працы і правоў працоўных.
Беларускае Радыё Рацыя
