Берасцейцы збіраюць подпісы за 7-гадзінны працоўны дзень



Збор подпісаў за сямігадзінны працоўны дзень працягваецца на Берасцейшчыне.

Агулам пад зваротам да ўладаў ужо падпісалася пяць соцень чалавек, – пра гэта распавяла кіраўнік гарадской арганізацыі партыі левых «Справядлівы свет» Людміла Дзенісенка:

– Каб прадстаўнікі рабочых, прадстаўнікі інтэлігенцыі, тыя людзі, якія занятыя на вытворчасці, маглі больш часу праводзіць з дзецьмі. Таму што праблема выхавання моладзі стаіць у нас на дадзены момант даволі востра.

Як адзначыла Людміла Дзенісенка, з тымі людзьмі, што пакідалі свае кантактныя дадзеныя, будзе працягнутая праца цягам прэзідэнцкай кампаніі.

Беларускае Радыё Рацыя, Берасце

[manual_related_posts]