Двух пружанскіх палітвязняў вызвалілі ў зале суда



У Менску асудзілі палітзняволеных жыхароў Пружанаў Аляксандра Шышко і Паўла Грышкевіча.  Іх вінавацілі па „папулярным” артыкуле 342 Крымінальнага кодэкса (дзеянні, якія груба парушаюць грамадскі парадак). Нагодай была акцыя пратэсту ў жніўні 2020 года ў Менску.

Суддзя Аляксандр Воўк прызнаў пружанцаў вінаватымі і прызначыў Аляксандру Шышко 3 гады „хіміі”, а Паўлу Грышкевічу — 3 гады „хатняй хіміі”.

Пасля прысуду абодвух вызвалілі ў зале суда. У СІЗА №1 яны правялі да суда па тры месяцы.

Беларускае Радыё Рацыя

[manual_related_posts]