Гісторыю БНФ у Вярхоўным савеце прадставілі гарадзенцам



Прэзентацыя выдання пра апазіцыю БНФ ў Вярхоўным Савеце 12-га склікання адбылася ў Гародні.

Удзельнікамі сустрэчы былі вядомыя гісторыкі Алесь Смалянчук ды Алесь Радзюк, маладыя гарадзенскія гісторыкі, а таксама прадстаўнікі розных апазіцыйных партыяў Гародні.

Сама манаграфія — гэта 800 старонак, якія змяшчаюць вялікую колькасць дакументаў і фотаздымкаў.

bnf1

Пра кнігу кажа яе аўтар, кандыдат гістарычных навук Аляксандр Кур’яновіч:

— Праца вялася недзе чатыры з паловай гады. Я лічу, што яга ўдалася і, такім чынам, на суд чытача прадстаўлена такое выданне. Там ёсць шэраг дакументаў і асноўныя — гэта стэнаграмы выступаў у Вярхоўным Савеце.

 Вадзім Саранчукоў, старшыня Гарадзенскай арганізацыі партыі БНФ:

— Адразу трэба адзначыць, што БНФ у першую чаргу, ў той перыяд: 88-мы — пачатак 90-х гадоў, фактычна быў адзінай палітычнай сілай, якая змагалася за незалежную Беларусь і ўвогуле дзейнічала ў тых палітычных умовах. Таму, даследаванні таго часу, асабліва даследаванні ў кантэксце дзейнасці менавіта парламенцкай апазіцыі БНФ на сённяшні дзень з’яўляюцца ўнікальнымі.

Акрамя гэтага выдання, прадстаўнікі рэдакцыі “АРХЭ” прадставілі яшчэ некалькі кніг на гістарычную тэму, якія выйшлі сёлета.

[Not a valid template]

Беларускае Радыё Рацыя, Гародня