Менскія ваенкаматы забіраюць вайсковаабавязаных на тры тыдні на зборы
3620-я артылерыйская база ўзбраення прыводзіцца ў вышэйшую ступень боегатоўнасці, паведамляе Мінабароны.
Гэтая частка комплекснай праверкі боегатоўнасьці, паводле Мінабароны, планавая.
Менскія ваенкаматы выклікалі вайсковаабавязаных з запасу.
У бліжэйшыя дні пройдуць заняткі па баявым супрацоўніцтве падраздзяленняў, потым — агляд гатоўнасці да выканання задач.
Вайсковаабавязаныя, прызваныя з запасу, за тры тыдні збораў «падвысяць тэарэтычныя веды і адновяць практычныя навыкі», інфармуе Мінабароны.
Раней паведамлялася і аб прывядзенні ў найвышэйшую ступень баявой гатоўнасці з выклікам рэзервістаў танкавай базы.
