Пачатая крымінальная справа па факце інцыдэнту ў клубе Crazy Horse



Следчы камітэт пачаў крымінальную справу па артыкуле “асабліва злоснае хуліганства” па факце інцыдэнту ў клубе Crazy Horse, дзе падчас вечарынкі распылілі пярцовы газ.

Фота: slivki.by

Паводле інфармацыі ведамства, асобу падазраванага ўстанавілі вельмі хутка. Ім аказаўся 17-гадовы навучэнец адной са сталічных школ. Яго ўжо затрымалі міліцыянты. Падчас допыту ён так і не здолеў растлумачыць прычыны свайго ўчынку.

У выніку супрацьпраўных дзеянняў затрыманага пацярпелі чатыры непаўналетнія дзяўчыны. Цяпер яны знаходзяцца ў лякарні.

Інцыдэнт адбыўся 16 студзеня ўвечары каля 19-ай. Калі юнак распыліў пярцовы балончык у клубе, у прысутных пачалі слязіцца вочы, вечарынку спынілі.

Беларускае Радыё Рацыя

[manual_related_posts]