Паведамляе Дзяржаўны памежны камітэт Беларусі
У шэрагу сумежных з Рэспублікай Беларусь краін уведзены дадатковыя абмежаванні, у тым ліку забарона на ўезд замежнікаў, накіраваныя на прадухіленне распаўсюджвання віруснай інфекцыі COVID-19.
Так, з 00 гадзін 01 хвіліны па кіеўскім часе 16 сакавіка тэрмінам на два тыдні не будзе ажыццяўляцца пропуск на ўезд праз дзяржаўную мяжу Украіны іншаземцаў і асоб без грамадзянства, у тым ліку ў рамках транзітнага праезду.
Забарона на перасячэнне мяжы не будзе дзейнічаць толькі на супрацоўнікаў дыпламатычных прадстаўніцтваў, консульскіх устаноў і прадстаўніцтваў міжнародных арганізацый, акрэдытаваных у Украіне, членаў іх сем’яў, а таксама грамадзян, якія маюць пасведчанне на пастаяннае або часовае пражыванне ў Украіне.
З 00.00 15 сакавіка па польскім часе зачыненыя для пропуску замежных грамадзян межы Польшчы на 10 дзён (з магчымасцю падаўжэння тэрміну). Спыняецца міжнароднае авія- і чыгуначныя зносіны, у тым ліку транзітны праезд. У польскіх пунктах пропуску спыняецца афармленне ў «Белавежы» (з беларускага боку «Перароў»), «Чарамха» ( «Высоколитовск»), «Полаўцах» ( «Пясчатка»), «Славатычы» ( «Дамачава») і «Рудаўка» ( «Лясная»).
Перасячэнне мяжы ў аўтадарожных пунктах пропуску Польшчы «Цярэспаль» ( «Брэст аўтадарожны»), «Кукурыкі» ( «Казловічы»), «Кузніца Беластоцкая» ( «Брузгі»), «Баброўнікі» ( «Бераставіца»), а таксама чыгуначных – « Цярэспаль» («Брэст чыгуначны»),«Семяноўка» («Свіслач») на чыгуначнай станцыі Свіслач, «Кузніца Беластоцкая» («Гродна») на чыгуначных станцыях Гродна і Брузгі на ўезд у Польшчу будзе дазволена наступным асобам:
– грамадзянам Польшчы; – грамадзянам, якія з’яўляюцца мужам, жонкай або дзецьмі грамадзян Польшчы або знаходзяцца пад апекай грамадзян Польшчы; – грамадзянам, якія маюць карту паляка; – кіраўнікам дыпламатычных місій і персаналу дыпламатычных і консульскіх устаноў, а таксама членам іх сем’яў; – грамадзянам, якія маюць права пастаяннага або часовага знаходжання на тэрыторыі Польшчы; – грамадзянам, якія маюць права працаваць на тэрыторыі Польшчы, г.зн. якія маюць права выконваць працу на такіх жа ўмовах, што і грамадзяне Польшчы, у якіх ёсць дазвол на працу, дазвол на сезонную працу, заяву аб даручэнні працы замежнаму грамадзяніну на тэрыторыі Польшчы; – грамадзяне, якія кіруюць транспартным сродкам для перавозкі тавараў.
Грамадзяне Беларусі, якія маюць права на пастаяннае жыхарства ў Польшчы, могуць уехаць у Польшчу праз адкрытыя для асаблівага руху памежныя пераходы, але пры гэтым падлягаюць накіраванню на 14-дзённы карантын.
Абмежавальныя меры па перасячэнні мяжы з Украінай і Польшчай будуць дзейнічаць да асобага распараджэння.
Дзяржпагранкамітэт рэкамендуе ўлічваць гэтыя звесткі пры планаванні паездак. Звяртаем увагу, што пазначаныя меры ў сумежных краінах не абмяжоўваюць выезд з іх грамадзян Беларусі.
У выпадку раней запланаванага транзіту праз названыя краіны неабходна дзейнічаць у адпаведнасці з канкрэтнай сітуацыяй і шукаць альтэрнатыўныя варыянты прыбыцця на тэрыторыю Беларусі. Якія апынуліся ў сітуацыі немагчымасці для вяртання на Радзіму просьба паведамляць пра сябе ў адпаведныя замежныя ўстановы Рэспублікі Беларусь або ў Міністэрства замежных спраў для аказання магчымага садзейнічання.
Актуальная інфармацыя па меры з’яўлення будзе размяшчацца ў тым ліку на сайтах беларускіх дыпламатычных прадстаўніцтваў у замежных дзяржавах.