“Пінскі спрут” працягвае расказваць пра бяспраўе ў рэгіёнах



Улады не хочуць пачынаць крымінальныя справы і працягваюць маўчаць, нягледзячы на тое, што амаль кожны месяц публікуюцца відэа пра бяспраўе ў рэгіёнах.

Кажа берасцейскі блогер Сяргей Пятрухін, які працягвае развіццё свайго канала “Пінскі спрут”, і шукае новых герояў:

– “Пінскі спрут” – гэта такі дакументальны серыял пра прававое бязмежжа на Піншчыне, на Палессі. Так падаецца, што гэта асобны рэгіён, дзе свае законы, то бок, беззаконне. І мы здымаем пра гэта серыял, поўны доказаў, фактуры. Здзіўляе тое, што ўлады на гэта аніяк не рэагуюць. Вось гэта дзіўна.

Звярнуцца да Сяргея Пятрухіна са сваёй праблемай можна праз сацыяльныя сеткі, ці наўпрост напісаць у каментарах пад відэа сваю гісторыю і пакінуць кантактныя дадзеныя.

Беларускае Радыё Рацыя