Польшча можа прыцягнуць паўмільёна работнікаў з Беларусі
Польшча можа атрымаць эканамічную выгаду ад палітычнага крызісу ў Беларусі і, па прагнозах кадравай службы, можа прыцягнуць да паўмільёна работнікаў з Беларусі, піша партал Interia.pl. Польшча стала працоўным хабам для людзей, якія хочуць знайсці працу ў Еўропе. І, нягледзячы на пандэмію, статыстыка расце.
У першым паўгоддзі ў рэгістр офіса па працаўладкаванні ўнесены 998 тысяч заяў аб прыёме на працу супрацоўнікаў з Усходу. Гэта на 63% больш, чым год таму, калі пачалася пандэмія, і на 18% больш, чым у першай палове 2019 года. Аднак працоўных з Украіны не хапае. Альтэрнатыва – гэта супрацоўнікі з Беларусі, якіх, па ацэнцы спецыялістаў кадравай службы, Польшча можа прыцягнуць каля паўмільёна. Як гэта ні парадаксальна, палітычныя змены ў Беларусі могуць быць у эканамічных інтарэсах Польшчы, паколькі частка людзей матываваная з’ехаць.
Прысутнасць беларусаў на польскім рынку працы дасць магчымасць не толькі скараціць кадравы дэфіцыт, але таксама з’яўляецца элементам пабудовы польскай эканомікі і стварэнне яе пераваг для прыцягнення інвестыцый. Паводле ацэнак эканамістаў Credit Agricole, ВУП Польшчы на 2-3% вышэй, дзякуючы замежнікам. Канвертуючы гэта наўпрост у злотыя, Польшча атрымае да ВУП ад 40 да 60 мільярдаў злотых.
