Прадпрымальнік стаў сведкам невядома чаго
Ужо трэці раз напярэдадні планаванай акцыі прадпрымальнікаў у Менску выклікаюць Мікалая Чарнавуса як сведку.
А менавіта з’явіцца 14-га сакавіка на 12 гадзін у аддзел аховы грамадскага правапарадку да намесніка начальніка Сяргея Паўлені, кажа Мікалай Чарнавус:
– Прывезлі тры міліцыянты мне позву, я іх добразычліва сустрэў, а сабака зразумела, што гэта людзі недобразычлівыя, узяла і хапнула за нагу маёра міліцыі Віталя Дабрачынскага. Я задаў пытанне: “Куды дзяваць плакаты, якія я ўжо напісаў”, адказаў: “Паўлені занясеш”, а куды сведкам і сам не ведае.
Паводле Чарнавуса, на пытанне, па якой справе яго выклікаюць, адказалі, не ведаем.
Нагадаем, 14-га сакавіка ў Менску плануецца паход прадпрымальнікаў да міністэрства па падатках і зборах – аўтараў указа 222.
Позва Чарнавусу – чарговая перашкода для паездкі ў Менск, лічыць актывіст.
Беларускае Радыё Рацыя
