Праваабаронца: на рэферэндуме будуць адбіраць тэлефоны



Рэферэндум-2022. “Грамадству не цікавыя пытанні па зменах і дапаўненнях у Канстытуцыю, таму гэтая электаральная кампанія не выкліча моцную хвалю пратэстаў”, – мяркуе праваабаронца Алесь Рамановіч.

Разам з тым, на ягоную думку, дэмакратычным сілам краіны ўжо пажадана вызначыцца з адзінай зразумелай пазіцыяй:

„Такая палітычная кампанія не можа амінуць незаўважна, але ўсёж-такі, людзі да гэтага рэферэндуму ставяцца скептычна – „Што вырашаць, то зробяць і без нас”. Якую абяруць тактыку прадстаўнікі апазіцыі, якія яшчэ засталіся? Ёсць тактыка псаваць білютэні, ёсць прапановы фатаграфаваць, і ў „Голас” адпраўляць. Але ўжо ёсць інфармацыя, што на выбарчых участках адбіраць тэлефоны. Гэта цалкам верагодна”.

Пакуль у краіне трывае грамадскае абмеркаванне новай рэдакцыі Галоўнага закона. Дата рэферэндума будзе аб’яўленая пасля таго, як канчатковы варыянт надрукуюць дзяржаўныя выданні.

Беларускае Радыё Рацыя