У Менску развіталіся з Васілём Сёмухам



У Менску развіталіся з перакладчыкам Васілём Сёмухам, які сышоў у іншасвет 3 лютага на 84-м годзе жыцця.

Гаворыць паэт Уладзімір Някляеў:

– Апроч таго, што ён быў унікальным у майстэрстве сваім перакладчыкам з розных моў, ён быў і чалавекам унікальным. Бо перажыўшы драму, трагедыю ў дзяцінстве, калі на ягоных вачах катавалі ягоную маці, і калі забілі ягоных бацькоў, а ён хаваўся ў гэты час пад сталом у хаце, якой пасля таксама не стала. Дык вось, перажыўшы гэта ўсё, ён застаўся надзіва светлым чалавекам.

Васіль Сёмуха перакладаў шмат з якіх моваў, у тым ліку і з польскай. Цягам чатырнаццаці гадоў ён ствараў беларускамоўны пераклад Бібліі. Пахаваюць перакладчыка на радзіме – у Пружанах.

[Not a valid template]

Максім Каўняровіч, Беларускае Радыё Рацыя, Менск    

* * * 

6 лютага ў Менску ў рытуальнай зале на вуліцы Альшэўскага праходзіць развітанне з перакладчыкам Васілём Сёмухам, які памёр 3 лютага ва ўзросце 83 гадоў.

У 14.45 нябожчыка павязуць у крэматорый на Паўночных могілках беларускай сталіцы.

  

БелаПАН