Рэха Чарнобылю
25 траўня – Сусветны дзень шчытападобнай залозы. Па звестках Сусветнай арганізацыі аховы здароўя захворванні шчытападобнай залозы займаюць 2 месца пасля цукровага дыябету. Прырост колькасці захворванняў шчытападобнай залозы ў свеце складае 5% у год.
Ілюстрацыйнае фота
У рэспубліцы Беларусь захворванні шчытападобнай залозы заўсёды былі шырока распаўсюджаныя ў выніку дэфіцыту ёду ў глебе і вадзе. Аварыя на ЧАЭС значна ўскладніла экалагічную сітуацыю ў нашай краіне. Колькасць захворванняў шчытападобнай залозы расце з году ў год, што звязана і з уплывам экалагічных фактараў і з больш дбайным абследаваннем і выяўленнем дадзенай паталогіі.
Але медыцына стараецца не звязваць хваробу з чарнобыльскай катастрофай, — гаворыць хворая бярозаўчанка Людміла Іваніцкая:
— Цалкам выдалена шчытападобная залоза. Можна было адразу даваць трэцюю групу інваліднасці гэта былі нейкія дадатковыя грошы да майго мізэрнага заробку, на які можна было б хаця б купіць нейкія вітаміны ці харчавацца па-людску. Ніхто не прызнаў, што я пацярпела ад выбуху на Чарнобыльскай АЭС.
Паводле Іваніцкай, нягледзячы на гучныя завярэнні чыноўнікаў ад медыцыны пра эфектыўную сістэма аказання дапамогі пацыентам з паталогіяй шчытападобнай залозы, у рэальнасці – гэта чысты фармалізм.
Поўную гутарку слухайце ў далучаным гукавым файле:
Беларускае Радыё Рацыя
