Рух «За свабоду» правёў акцыю супраць «Начных ваўкоў»
«Мы сваю зямлю нікому не аддамо!» Пад такім дэвізам актывісты руху «За Свабоду», 30 красавіка на трасе М 1 (алімпійка) на месцах транспартных развязак ля вёскі Каўпеніца, баранавіцкага мікрараёна Паўночны і пасёлка Зорны вывесілі расцяжкі супраць праезду па тэрыторыі Беларусі пуцінскіх «начных ваўкоў». «Нет фашизму! И российскому тоже. Путинцы, убирайтесь домой». «Беларусь не Расея», «Мы свою землю никому не отдадим». З такім надпісамі расцяжкі правіселі больш за гадзіну.
Грузапаток на трасе быў ажыўлены, праязджаючыя машыны віталі транспарант сігналамі. У гэты час шмат ехала і аўтамабіляў з расейскімі нумарамі.
Два з трох транспарантаў былі выкананыя па-расейску свядома, бо асноўны пасыл быў для расейцаў.
На думку актывістаў, акцыя прайшла ўдала. Гэта пасыл пра тое, што ёсць людзі, якія будуць бараніць сваю зямлю ад усялякай брыдоты.
Глядзіце таксама
