Следчы камітэта пачаў праверку наконт выпраўлення графіці ў Менску



Па гэтай справе былі выкліканы тры асобы для дачы тлумачэнняў. Сярод запрошаных да размовы аказаўся і журналіст БелаПАН Алесь Ярашэвіч, які раней рабіў інтэрв’ю з невядомым мастаком, што “выправіў” графіці.

minsk_i_moskva-graffiti-1

Аднак следчаму не ўдалося ўзяць тлумачэнні ў журналіста пра асобу мастака, кажа Алесь Ярашэвіч.

– Я прыйшоў да следчага ў кабінет і папрасіў яго патлумачыць, па якой прычыне я знаходжуся ў яго. Ён сказаў, што возьме тлумачэнні і будзе далей размаўляць cа мной. Я запытаўся, ці заведзена крымінальная справа. На што атрымаў адказ – не. Я сказаў, што паводле заканадаўства, маю права не даваць ніякіх тлумачэнняў, бо на дадзены момант па факце  змянення графіці праводзіцца толькі праверка.

Графіці “Менск-Масква”, якое сімвалізуе дружбу паміж двума гарадамі, з’явілася ўлетку гэтага года. Аднак пазней яно было выпраўлена невядомым мастаком, які ўплёў у кампазіцыю калючы дрот. Гарадскія ўлады прыгразілі невядомаму мастаку штрафам за псаванне гарадской маёмасці.

Павел Генадзіч, Беларускае Радыё Рацыя

Фота tut.by