Слуцкі збройны чын – важны гістарычны ўрок
Слуцкі збройны чын не толькі натхняльны прыклад, асабліва для моладзі, такі ўзор, але і вельмі важны гістарычны ўрок.
„Шкада, што беларусы мала пра гэта ведаюць”, – кажа кандыдат гістарычных навук, лаўрэат прэміі імя Францішка Багушэвіча, непасрэдны даследчык Слуцкага збройнага чыну Ніна Стужынская:
– Гэта падзея – вельмі важны этап на шляху Беларусі да дзяржаўнасці і незалежнасці. Як сёння сказала б моладзь, гэта добраўпарадкаваная сімпатычная падзея з усіх бакоў, і палітычных праграмах, і мэтах, і тактыкі.
Паводле Ніны Стужынскай, лёс удзельнікаў паўстання і іх сем’яў склаўся трагічна. Выжылі толькі тыя, хто застаўся на Захадзе:
– Самае страшнае – гэта было расчараванне, што не спраўдзіліся планы, мары. А так яны па-сутнасці падзялілі лёс увогуле беларускага народа. І іх у асноўным бралі ўжо ў трыццатыя гады.
У 37-38 годзе ўдзельнікі Слуцкага паўстання падзялілі лёс усяго народа. У Беларусі дэмакратычная супольнасць адзначае Дзень Слуцкага збройнага чыну 27 лістапада.
Цалкам гутарку слухайце ў далучаным файле:
Аліна Андрыевіч, Беларускае Радыё Рацыя
