Сціпла адзначылі Курбан-Байрам слонімскія мусульмане



З самай раніцы, 4 кастрычніка, слонімскія мусульмане наведалі адзіную ў Слоніме мячэць на вуліцы Агінскага.

Прыйшло каля 15 чалавек, хаця, па словах імама-старшыні аб’яднання мусульман Слонімшчыны Сулеймана Байрашэўскага, у Слоніме і раёне пражываюць каля 150 мусульман.

OLYMPUS DIGITAL CAMERA

Слонімскія мусульмане памаліліся, пачаставалі адзін аднаго прысмакамі, а потым наведалі мясцовыя мусульманскія могілкі і памянулі памерлых продкаў.

“Курбан-Байрам, – па словах Сулеймана Байрашэўскага, – гэта свята, якое нагадвае аб літасці Усявышняга і аб тым, што вернасць Богу – самая лепшая ахвяра”.

Барыс Баль, Беларускае Радыё Рацыя. Слонім

Фота аўтара