Сядзібу Святаполк-Чацвярцінскіх у вёсцы Жалудок прадалі



Вялізны будынак і паркавы комплекс сапраўдная пярліна архітэктуры Гарадзеншчыны – радавы маёнтак князёў Святаполк-Чацвярцінскіх прададзены. У савецкі час і першыя гады незалежнай Беларусі ўваход у комплекс быў забаронены, бо тут стаяла вайсковая частка падпарадкаваная КДБ. Цяпер на тэрыторыю комплекса ўваход вольны. Менавіта ў гэтым маёнтку здымалі першы беларускі фільм жахаў “Масакра”.

IMG_0944 rr

Пра планы далейшай рэканструкцыі нашаму радыё распавяла жонка ўладальніка будынка Сафія:

– Дазволаў і ўзгадненняў праекта – гэта ўласна некалькі гадоў. У наступным годзе мы плануем пускаць сюды людзей на агляд будынкаў проста прыбраўшы нейкія старыя забітыя вокны. Першы праект будзе на фасадную рэстаўрацыю, паглядзім на колькі гэта ўсё атрымліваецца хутка. У вялікім будынку будзе музей, а ў астатніх будзем глядзець.

Дакладную сумму, за якую быў прададзены комплекс, гаспадыня назваць адмовілася, аднак ужо зараз сюды можа патрапіць кожны жадаючы. За апошнія два тыдні яго наведала каля 200 чалавек.

Беларускае Радыё Рацыя

Фота Савелія Малчанава