Сяргей Харэўскі: Нашыя вуліцы павінны насіць імёны дзеячаў БНР



Цыкл лекцый да сотых угодкаў абвяшчэння незаленасці БНР, распачаты Арт-Сядзібай, працягнула сустрэча з мастацтвазнаўцам і гісторыкам архітэктуры Сяргеем Харэўскім.

Ён зладзіў для гасцей імпрэзы віртуальную экскурсію па мясцінах „запачаткавання беларускай дзяржаўнасці” у Менску. Амаль усе будынкі, звязаныя з гэтымі падзеямі захаваліся.

„На кожным з гэтых будынкаў мусіць быць усталяваная мемарыяльная шыльда. А тое, што  нашыя вуліцы названыя імёнамі катаў – гэта ганьба”, – кажа Сяргей Харэўскі.

– Нашыя вуліцы павінны насіць імёны айцоў БНР. Людзей абсалютна шчырых, абсалютна сумленных, на руках чыіх не было крыві. Увага да рэчаў абсалютных, як чалавечае жыццё і свабода чалавека. Нам яшчэ варта таму павучыцца. Роўна як і павазе да сваіх апанентаў.

Арт-Сядзіба прапануе далучыцца і да жывой экскурсіі Сяргея Харэўскага непасрэдна па адрасах БНР у Менску 21 сакавіка.

Цалкам матэрыял у гукавым фармаце:

Алена Вільтоўская, Беларускае Радыё Рацыя, Менск.

Фота аўтара