У Бабруйску ад маразоў загінуў чалавек



У Бабруйску ад маразоў загінуў чалавек, паведамляе прэс-служба Магілёўскага абласнога ўпраўлення МНС.

Цела загінулага ад абмаражэння выяўлена 7 студзеня ў 10.18.

Паводле звестак рэгіянальнага цэнтра экстраннай медыцынскай дапамогі, з халадовымі траўмамі ва ўстановы аховы здароўя вобласці звярнуліся 19 чалавек. Ва ўсіх пацярпелых абмаражэнні канечнасцяў альбо агульнае пераахаладжэнне, пагрозы жыццю няма. З іх шпіталізавана сем чалавек, у тым ліку дзіця ў Быхаўскім раёне.

Паводле інфармацыі РУП „Магілёўэнерга”, на працягу сутак было адключана дзве лініі электраперадачы 10 кВ, 87 трансфарматарных падстанцый, 14 населеных пунктаў, адна кацельня.

belapan.by