У Беларусі 10 новых палітвязняў. Усяго 298



Праваабаронцы 23 сакавіка прызналі палітзняволенымі яшчэ дзесяць чалавек, асуджаных да пазбаўлення волі. 

У супольнай заяве праваабаронцаў адзначаецца, што пераслед указаных асобаў носіць палітычна матываваны характар, а самі асобы з’яўляюцца палітычнымі зняволенымі:

Уладзімір Малахоўскі – асуджаны на тры з паловай гады пазбаўлення волі па арт. 364 КК;

Іван Ракіць – асуджаны на два з паловай гады пазбаўлення волі па арт. 363 КК;

Мікіта Кочур – асуджаны на чатыры гады пазбаўлення волі па арт. 363 КК;

Андрэй Расулаў – асуджаны  на тры гады пазбаўлення волі па арт. 363, ч.1 арт. 342 КК;

Сяргей Бекарэвіч – асуджаны на два з паловай гады  пазбаўлення волі па арт. 364, ч.1 арт. 342 КК;

Віктар Шмігельскі – асуджаны на два з паловай гады пазбаўлення волі па арт. 364, ч.1 арт. 342 КК;

Ілля Патрушаў – асуджаны на два з паловай гады пазбаўлення волі па арт. 364, ч.1 арт. 342 КК;

Андрэй Шаўчук – асуджаны на два з паловай гады пазбаўлення волі па арт. 364, ч.1 арт. 342 КК;

Уладзіслаў Усцін – асуджаны на тры гады абмежавання волі з накіраваннем у папраўчую ўстанову адкрытага тыпу па арт. 364 КК, накіраваны для адбыцця пакарання;

Вадзім Луковіч – асуджаны на два гады пазбаўлення волі па арт. 218, 364, ч.1 арт. 342 КК.

„Лічым неабходным патрабаваць для дадзеных палітычных зняволеных неадкладнага перагляду прынятых у дачыненні да іх мер і судовых рашэнняў пры выкананні права на справядлівае судовае разбіральніцтва і ліквідацыі ўказаных фактараў, а таксама вызвалення іх з-пад вартай з прымяненнем іншых мер, якія забяспечваюць яўку ў суд”, — гаворыцца ў заяве.

novychas.by