У Беларусі забароняць курыць на прыпынках
У Беларусі плануецца заканадаўча забараніць курыць на прыпынках. Пра гэта паведаміла намесніца галоўнага лекара Рэспубліканскага цэнтра гігіены, эпідэміялогіі і грамадскага здароўя Людміла Наройчык.
Міністэрства здароўя ініцыявала ўнясенне адпаведных зменаў у дэкрэт №28. „У праекце дэкрэта з’явіўся раздзел, які кажа пра поўную забарону курэння ў ліфтах, на дзіцячых пляцоўках, пляжах, прыпыначных пунктах”, — цытуе БелТА выказванні Наройчык.
Дарэчы, у Менску ўжо ўвялі забарону на курэнне на прыпынках, хоць яна часта і парушаецца. Цяпер забарона распаўсюдзіцца на ўсю краіну.
Фота og.ru
Глядзіце таксама
