У Магілёве не працягнулі кантракт са знакамітым дзіцячым хірургам Елавым
19 гадоў таму
Пра гэта доктар Міхаіл Елавы напісаў у сваім Фэйсбуку:
– Вось так скончылася маё апошняе дзяжурства ў апэрацыйнай дзіцячай хірургіі! Падведзены вынік: 47 гадоў працы ў неадкладнай хірургіі. Зь іх 32 гады загадчыкам аддзяленьня дзіцячай хірургіі. Дзякуй калектыву абласнога дзіцячага шпіталя за добрыя словы ў мой адрас!
На пытанне аднаго з фрэндаў пра прычыны сыходу лекар адказаў: «Не працягнулі кантракт». Летась увосень жонку Міхаіла Елавога Наталлю пасля «Маршу пенсіянераў» затрымалі супрацоўнікі міліцыі.
У Фэйсбуку лекар размясціў фатаграфіі свайго апошняга дзяжурства: праца ў аперацыйнай і ўрачыстыя праводзіны ў актавай залі шпіталя.
