У Менску прайшоў матч імя Юрася Бушлякова
Памяць мовазнаўцы Юрася Бушлякова яго сябры і прыхільнікі ўшанавалі ў Менску традыцыйным футбольным матчам.
Гаворыць літаратар і навуковец Серж Мінскевіч:
– Пяты год збіраемся гуляць у футбол, гэты матч імя Юрася Бушлякова. Ён заўсёды любіў гуляць у футбол. Тут на гэтым полі ў Зялёным Лузе мы збіраліся і гулялі ў футбол. Так павялося, калі Юрася не стала, мы вырашылі збірацца ў пачатку лета, калі ён ад нас адышоў. Мы збіраемся кожны год і прысвячаем гульню нашаму сябру Юрасю Бушлякову.
Футбольны матч імя Юрася Бушлякова паміж літаратарамі праводзіцца штогод на тым самым школьным стадыёне ў сталічным Зялёным Лузе, дзе любіў гуляць з сябрамі сам мовазнаўца.
[Not a valid template]
Максім Каўняровіч, Беларускае Радыё Рацыя, Менск
