У Менску затрымалі эксгібіцыяніста



У сталіцы затрымалі мужчыну, які не толькі агаліўся перад прахожай, але і папрасіў зняць гэта стрыптыз на мабільны тэлефон, паведамілі „Мінск-Навінам” у РУУС Цэнтральнага раёна.

— Дзяўчына ішла па вул. Ільянскай, калі да яе звярнуўся мужчына, у якога былі прыспушчаны штаны, з просьбай зрабіць відэаздымку яго дзеянняў на мабільны тэлефон. Спалохаўшыся, дзяўчына ўцякла і звярнулася ў міліцыю, — распавяла афіцыйны прадстаўнік Цэнтральнага РУУС Алена Свірыдава.

Мужчыну злавілі з дапамогай камер відэаназірання. Высветлілася, што пасля стрыптызу ён сеў у машыну і з’ехаў.

Асобу высветліць было не цяжка. Мужчыну затрымалі. Ім аказаўся жыхар Мастоў, які прыехаў у сталіцу прадаваць машыну. За падобнае парушэнне грамадскага парадку мужчына ўжо прыцягваўся да адказнасці.