У Глыбокім „Экадом” праз суд дамагаецца правядзення грамадскіх слуханняў



Рашэнне па зыску грамадскай арганізацыі „Экадом” да Пастаўскага райвыканкама будзе вынесенае 27 лістапада ў 10 гадзін, – аб’явіў суддзя Глыбоцкага раёна Андрэй Тарасевіч. Разглядаецца справа аб парушэнні правоў грамадзянаў на магчымасць правядзення грамадскіх слуханняў. Яны патрабуюць улічыць іх меркаванне перад пабудовай праваслаўнага храма ў гонар Абраза Маці Божай на тэрыторыі Пастаўскага раёна.

sud_carkva_1

Зала суда Глыбоцкага раёна.

25 лістапада на судзе былі заслуханыя сведкі, прадстаўнікі Пастаўскага райвыканкама і грамадскай арганізацыі “Экадом”, а таксама ініцыятар пабудовы царквы – прадпрымальнік Мікалай Рамановіч. Ён лічыць, што грамадскія слуханні непатрэбныя, а людзям, якія звярнуліся ў суд, патрэбныя не слуханні , а шуміха.

– Людзі, якія хацелі даведацца пра храм, яны ўсё ведаюць. Такая магчымасць ім была прадстаўлена. І на дошцы для аб’яў усё мінулае лета вісеў мой нумар тэлефону. І быў створаны адмысловы сайт, на якім былі выкладзены дакументы – экспертнае заключэнне, генплан. Людзі, якія цікавіліся, маглі ўсё гэта паглядзець. І вось гэтая шуміха, маўляў, будзе нейкі лагер. Гэта надуманае пытанне. Там ніякага лагеру не будзе.

sud_carkva_3

У цэнтры – прадпрымальнік Мікалай Рамановіч.

У сваю чаргу прадстаўнікі грамадскай арганізацыі “Экадом” не давяраюць словам прадпрымальніка. Кажа эколаг Ігар Пастухоў:

– Мы выступаем не супраць будаўніцтва царквы, а нават наадварот – сабралі подпісы і хадайнічалі за будаўніцтва праваслаўнага храма ў зручным для ўсіх месцы – у пасёлку Лантупы, дзе пражывае большасць праваслаўных. Замест вёскі Станчыкі, у аддаленай вёсцы ў лясным масіве, у заказніку. На жаль, наша хадайніцтва было адхілена. Нам архіепіскап Феадосій адказаў, што вы ў сябе ў Лынтупах можаце будаваць свой храм, а мы ў сябе, у Станчыках, пабудуем свой. То бок, думаюць не пра людзей, а пра сябе, таму што храм будзе прырастаць іншай інфраструктурай. Сёння беларуская праваслаўнай царква не плаціць падаткі, а турыстычны бізнес – прыбытковы накірунак. І не цяжка зразумець, навошта патрэбны ім гэты храм.

sud_carkva_2

Начальнік аддзела архітэктуры і будаўніцтва Пастаўскага райвыканкама Сяргей Шамовіч.

Нагадаем, канфлікт паміж жыхарамі вёскі Станчыкі Пастаўскага раёна, а таксама грамадскай арганізацыі “Экадом” разгарэўся з менскім прадпрымальнікам Мікалаем Рамановічам з-за будоўлі ім царквы ля запаведнага возера Балдук. Экалагічная арганізацыя і мясцовыя жыхары лічаць, што пабудова царквы з інфраструктурай нанясе шкоду акаляючаму асяроддзю. Дазвол на будоўлю далі Віцебскі аблвыканкам і Пастаўскі райвыканкам без правядзення грамадскіх слуханняў.

Беларускае Радыё Рацыя

  • Anonim

    В 2010 году Николай Романович собрал в соседней со Станчиками деревне Войшкуны подписи для ходатайства о строительстве каплички напротив своего участка. И в том же году пробил разрешение в различных инстанциях на строительство церкви в деревне Станчики. Получается, что обманул, по крайней мере, – жителей Войшкун. Ну и как можно верить его словам о том, что в Станчиках он планирует строительство маленькой церквушки? Кроме того из ответа Витебского облисполкома следует, что выделенный участок земли вообще ему не принадлежит (собственность БПЦ=РПЦ) и на нем планируется православное подворье и молодежный лагерь на 150 мест. РПЦ, к сожалению, тоже особого доверия нет. Сегодня они говорят о подворье и молодежном лагере, завтра преобразуют территорию в какой-нибудь церковный комплекс по подготовке воинов Христа = защитников русского мира. Это надо жителям Станчиков, стране? Можно ли закрыть глаза на то, что церковь планируют строить в деревне, где нет ни одного постоянно проживающего православного верующего в нарушение Закона о религиозных организациях? Мы что уже живем не в светском государстве? Можно ли не принимать в расчет, что это озеро уже испытывает излишнюю антропогенную нагрузку? На мой взгляд просто так это строительство спускать нельзя. Должны быть проведены общественные обсуждения в соответствии с законом, а органы прокуратуры должны провести проверку по фактам изложенным в суде и найти тех, кто лоббирует интересы строителей в органах власти и по сути в грубой форме власть дискредитирует.

Комментарии для сайта Cackle