На праваабаронца Алеся Рамановіча спрабавалі „павесіць” крыміналку



У Пінску праваабаронцу Алеся Рамановіча спрабавалі прыцягнуць да крымінальнай адказнасці. Нібы ён пасля аднаго з судоў, на якім прысутнічаў, перадаў асабістыя дадзеныя пракурора ў прызнаны ўладамі экстрэмісцкім тэлеграм-чат „Чорная кніга Беларусі”.

Урэшце следчыя зразумелі, што праваабаронца не мог ведаць такую прыватную інфармацыю:

– Праводзілі па гэтай справе адзін вобшук. Выклікалі ў Следчы камітэт, апыталі як сведку, іх цікавіла адкуль інфармацыя. Звычайна я толькі мог ведаць прозвішчы, асабістыя дадзеныя я канешне не мог ведаць, гэта следчыя разумеюць таксама, абвінавачання няма, проста апыталі як сведку. Суд быў адкрыты і нават калі я камусьці скідаю інфармацыю пра гэты суд, тут няма ніякага складу злачынства.

Суразмоўца дадае, што акрамя апытанняў, сілавікі праверылі мабільны тэлефон і пасля гэтага ўпэўніліся ў адсутнасці сувязі з “Чорнай кнігай Беларусі”.

Беларускае Радыё Рацыя

[manual_related_posts]