У Слоніме праганялі зіму
Год таму
Праганяць зіму ў Слоніме пачалі раніцай у нядзелю, 6 сакавіка. Тэатральнае шэсце ад Цэнтра культуры да гарадскога парку весяліла людзей песнямі і прыпеўкамі:
У нас сягоння масленіца,
Прыляцела ластавіца…
А потым у гарадскім парку былі гульні, забавы, пацехі, гандаль рознымі вырабамі і сувенірамі, а таксама частаванне шашлыкамі і блінамі. Сельскагаспадарчыя прадпрыемствы раёна паказалі свае традыцыйныя падворкі, а народны тэатр студыі “Прымакі” з Дзятлава , а таксама мясцовыя калектывы мастацкай самадзейнасці весялілі слонімцаў песнямі і скокамі.
Арганізатары свята праводзілі вясёлыя конкурсы, сярод якіх былі і конкурсы на лепшыя прыказкі і прымаўкі, прысвечаныя масленіца.
Барыс Баль, Беларускае Радыё Рацыя, Слонім
Фота аўтара.
