У сталічным музеі Янкі Купалы загінуў адзін чалавек, яшчэ адзін шпіталізаваны



У Менску 5 жніўня пры планавай праверцы сістэмы пажаратушэння ў будынку Дзяржаўнага літаратурнага музея Янкі Купалы адзін чалавек загінуў, яшчэ адзін шпіталізаваны. 

Адбылося гэта пры „планавай праверцы сістэмы пажаратушэння”, паведамляе прэс-служба ратавальнікаў.

Да прыбыцця супрацоўнікаў МНС адміністрацыя эвакуявала работнікаў музея. Загінулы — работнік установы. Яшчэ адзін музейны работнік шпіталізаваны.

Спецыялісты высвятляюць прычыны і абставіны здарэння.

Беларускае Радыё Рацыя

Фота: museums.by.