У Віцебску на выхадзе з крамы затрымалі Таццяну Севярынец



Прыкладна ў 15:10 супрацоўнікі міліцыі затрымалі каардынатарку Хрысціянскай дэмакратыі па Віцебскай вобласці Таццяну Севярынец. Пра гэта «Нашай ніве» паведаміў яе сын Павел.

              Таццяна Севярынец падчас мітынгу ў Віцебску

Спадарыня Таццяна ехала дадому з акцыі супраць дэкрэта №3, што ў нядзелю прайшла ў цэнтры Віцебска. Севярынец была адной з тых, хто выступаў перад людзьмі.

Недалёка ад дома яна зайшла ў краму па прадукты. Па выхадзе ж яе затрымалі. Цяпер яна знаходзіцца ў Кастрычніцкім РУУСе Віцебска.

Фота Ірыны Арахоўскай