У Воршы гарэў мясакамбінат



У Воршы здарыўся пажар на мясакансервным камбінаце. Пра ўзгаранне стала вядома прыкладна а 12:30, неўзабаве на тэрыторыю прадпрыемства заехалі некалькі аўтамабіляў пажарнай службы.

Падрабязнасці, якія сталі вядомыя на дадзены момант, перадае наш карэспандэнт Кастусь Багушэвіч:

– Інфармацыя пра пажар на Аршанскім мясакамбінаце хутка распаўсюдзілася ў горадзе. На тэрыторыю камбіната заехалі адразу сем пажарных машын. Паводле папярэдняй інфармацыі, якую ўдалося здабыць у сведкаў здарэння, гарэў цэх халадзільных установак. Пра пажар стала вядома недзе а палове на трынаццатую, а праз паўгадзіны агонь удалося згасіць. Ратавальнікі высвятляюць прычыны, якія прывялі да загарання. Наколькі вядома, чалавечых ахвяраў на пажары не было.

2016-12-29_bahusevic_miasakambinat

На дадзены момант сітуацыя нармалізавалася, пажар на прадпрыемстве цалкам ліквідаваны. Пажарныя машыны пакінулі тэрыторыю Аршанскага мясакамбіната.

Кастусь Багушэвіч, Беларускае Радыё Рацыя, Ворша