Жыхароў Баранавіч запрасілі на Марш раззлаваных беларусаў



Жыхароў Баранавіч запрасілі на Марш раззлаваных беларусаў. Мноства ўлётак  з пагрозлівай выявай  сціснутага кулака або пустога рондаля, ці раззлаваных рабочых і адрасам месца збору з’явілася па ўсім  горадзе, кажа сябра прафсаюза радыёэлектроннай прамысловасці Аляксандр Швед:

— Пабачыў, што на слупах і аўтобусных прыпынках наклеены ўлёткі з заклікамі ісці на Кастрычніцкую плошчу 17 лютага, каб выказаць сваё негатыўнае стаўленне да Дэкрэта № 3. Працы няма,жывеш надгаладзь, а табе яшчэ прапануюць карміць дзяржаву, якая выцягвае са сваіх людзей, са свайго народу апошняе.

Марш раззлаваных беларусаў пройдзе ў Менску 17 лютага на Кастрычніцкай плошчы. Збор у 18 гадзін. Марш скіраваны супраць Дэкрэта №3.

Беларускае Радыё Рацыя