Знойдзеныя “міны” апынуліся дыскамі да кулямёта



Каля вёскі Новая Галынка праводзіліся меліярацыйныя работы. Падчас іх рабочыя выявілі восем, як ім падалося, процітанкавых мін, меркавана часоў Другой сусветнай вайны. Пра гэта паступіла паведамленне ў Зэльвенскі РАУС.

На месцы выяўлення небяспечнай знаходкі быў выстаўлены пост. Аператыўна прыбыла сапёрна-піратэхнічная група ваеннаслужачых в/ч 5522. Знаходкі былі ідэнтыфікаваныя. Аказалася, што гэта не процітанкавыя міны, а дыскі да кулямёта Дзегцярова. Як паведамляе аддзяленне інфармацыі і грамадскіх сувязяў УУС Гарадзенскага аблвыканкама, пазней было знойдзена яшчэ дзевяць такіх жа дыскаў. Усяго было выяўлена 19 адзінак, у якіх знаходзілася 1233 патроны. Таксама быў знойдзены штык-нож ад вінтоўкі Мосіна.

Боепрыпасы перадалі ў Зэльвенскі РАУС. Яны будуць знішчаныя ва ўстаноўленым парадку.

zviazda.by