25 гадоў таму быў надрукаваны першы каляндар у незалежнай Беларусі



У снежні 1991 года ў Слоніме на народным прадпрыемстве “Альбярцін” канцэрна БУТЭК быў надрукаваны першы каляндар у незалежнай дзяржаве Рэспубліцы Беларусь.

Каляндар на 1992 год меў назву “Славутасці Беларусі”. Яго падрыхтавалі слонімцы Сяргей Чыгрын і Рыгор Жук. На календары былі адлюстраваныя герб “Пагоня”, мапа Вялікага Княства Літоўскага з бел-чырвона-белай стужкай і партрэты нашых вялікіх князёў.

Аўтары календара прыгадваюць: “Досведу ў падобных выданнях мы тады зусім не мелі. Таму гэта была першая спроба адлюстраваць на календары нашу багатую гісторыю. Сяргей Чыгрын шукаў па старых выданнях партрэты князёў, а Рыгор Жук іх маляваў, рабіў іх каляровымі. Каляндар выйшаў накладам дзесьці каля 20 тысяч асобнікаў. Найбольш яго распаўсюджвалі ў Менску і на Гарадзеншчыне”.

img_3577

img_3578

img_3579

img_3580

img_3581

Беларускае Радыё Рацыя