«Арт Сядзіба» едзе па шляхах Лявона Вольскага



Вы ведалі, што Беларусь прыгожая краіна, але заўжды адкладалі паездкі па Радзіме на потым? Прапануем гэта выправіць, а таксама сумясціць вандроўкі па Радзіме з музыкай.

«Арт Сядзіба» запрашае прыняць удзел у паездках у Магілёў, Гародню і Бабруйск. Чаму гэтыя гарады? Менавіта ў гэтых гарадах пройдуць канцэрты Лявона Вольскага 29 красавіка, 12 і 18 траўня. «Арт Сядзіба», карыстаючыся турам Вольскага па роднай краіне, вырашыла паказаць гэтыя мясціны для зацікаўленых.

У праграме паездак плануюцца экскурсіі мясцовых гісторыкаў, актыўнасці ад «Арт Сядзібы», а таксама наведванне канцэртаў Лявона Вольскага.

Паездкі прысвечаныя 100-годдзю абвяшчэння Беларускай Народнай Рэспублікі. І ў гэтым кантэксце абраныя гарады важныя. Магілёў быў адзіным губернскім горадам, які падтрымаў абвяшчэнне Беларускай Народнай Рэспублікі ў Менску, Гародню можна лічыць другой сталіцай БНР, а сярод павятовых гарадоў, якія падтрымалі БНР, быў Бабруйск.

ЗАПІСАЦЦА можна тут.

29 красавіка, нядзеля, Бас-тур у Магілёў на канцэрт Лявона Вольскага Кошт 30 бел. руб. + 20% зніжка на квіткі 

12 траўня, Бас-тур у Гародню на канцэрт Лявона Вольскага Кошт 35 бел. руб. + 20% зніжка на квіткі

18 траўня, Бас-тур у Бабруйск на канцэрт Лявона Вольскага Кошт 35 бел. руб. + 20% зніжка на квіткі

Запіс на экскурсіі і ўся дадатковая інфармацыя: 8-025-5458430, 8-044-5386283 (Валерыя)

[manual_related_posts]