Бібліятэкі Наваполацка ў 2018 годзе прадаўжаюць праект „Чытай са мной па-беларуску”



Новы сезон праекта „Чытай са мной па-беларуску” стартуе ў культурнай сталіцы Беларусі горадзе Наваполацку на гэтым тыдні.

Маладыя супрацоўнікі бібліятэк Наваполацка 11 студзеня адправяцца ў дзіцячую паліклініку для таго, каб арганізаваць тут чытанні. „Зімовыя замалеўкі” пройдуць у вясёлай гульнявой форме. Маленькія пацыенты і іх бацькі ў чаканні прыёму ва ўрача змогуць прыняць удзел у гульнях, конкурсах, майстар-класах. Але галоўнае – дзеці і дарослыя разам будуць чытаць вершы беларускіх паэтаў.

Праект „Чытай са мной па-беларуску”, мэта якога – прыцягнуць дзяцей да чытання і раскрыць для іх прыгажосць гучання беларускай мовы, трывала ўвайшоў у практыку работы Цэнтралізаванай бібліятэчнай сістэмы Наваполацка. І ў 2018 годзе менавіта ён пачынае шэраг мерапрыемстваў рэспубліканскай акцыі „Наваполацк – культурная сталіца Беларусі” ў бібліятэках горада.

Рэспубліканская акцыя „Культурная сталіца Беларусі” праводзіцца дзявяты раз. У бягучым годзе культурнай сталіцай краіны стаў Наваполацк (гораду ў 2018 годзе спаўняецца 60 гадоў), ён прыняў гэту эстафету ад Бабруйска. Статус культурнай сталіцы прысвойваўся Полацку (2010 год), Гомелю (2011 год), Нясвіжу (2012 год), Магілёву (2013 год), Гародні (2014 год), Берасці (2015 год), Маладэчну (2016 год).

belta.by