Экранізацыя апавядання Васіля Быкава выходзіць у пракат



2 і 3 сакавіка ў Менску адбудзецца паказ экранізацыі апавядання Васіля Бывака „Народныя мсціўцы”,  рэжысёр Аляксандр Меліхавец.

Арыгінальных беларускіх фільмаў на беларускай мове не было ў пракаце каля 25 год, таму дадзеная падзея вартая ўвагі.

Сюжэт фільма:

БССР, 1958г. Нечакана ў вёску на госці да свайго сябра прыязджае былы супрацоўнік “органаў”, Вусаў. Яго тут усе добра памятаюць па арэстах і забойствах перад вайной. Усе думалі, што ён загінуў, але ж не, жыве і відаць няблага – маладжавы, у добрым касцюме, з ардэнамі. Чацьвёра вяскоўцаў збіраюцца каб абмеркаваць навіну за бутэлькай. Прыгадваюць старыя крыўды, забітых сваякоў. І вырашаюць адпомсціць. А помста за такое можа быць толькі адна – смерць.

Слоган фільма: 

“Забыць нельга адпомсціць”.  ”ЗАБЫЦЬнельгаАДПОМСЦІЦЬ. Коску пастаў сам”.

Мова: беларуская.  Год: 2019.  Жанр: драма Узроставая катэгорыя: 12+

Рэжысёр: Аляксандар Меліхавец

Акторскі склад: Дзьмітрый Давідовіч, Арцём Курэнь, Ілля Ясінскі, Канстанцін Воранаў,  Аляксандр Вафік, Паліна Дабравольская і інш.

СЕАНСЫ к/з Менск, малая зала (вул. Кастрычніцкая, 5)

2 сакавіка (субота): 14:00; 15:15

3 сакавіка (нядзеля): 14:00; 15:15

Кошт квітка 10 руб.

КВІТКІ

ByCard (кропкі продажу і сайт)

http://afisha.bycard.by/performance/narodnyya_msccy

Каса к/з «Мінск» (вул. Кастрычніцкая, 5)

Паводле прэс-рэлізу