Фестываль “Бэзавая ластаўка” у Пінску



Таленавітая моладзь Берасцейшчыны з асаблівасцямі развіцця прадстаўляе свае здольнасці ў Пінску. Горад над Пінай прымае традыцыйны травеньскі фестываль “Бэзавая ластаўка”, які сёлета праходзіць сёмы раз.

Галоўная мэта – даць магчымасць маладзёнам з абмежаванымі магчымасцямі паказаць грамадскасці, што нягледзячы на нейкія фізічныя праблемы, яны – звычайныя людзі. Каардынатар фэсту, старшыня пінскай арганізацыі “Ветразь” Васіль Грышко, паведаміў, што арганізатары вельмі падтрымліваюць дэбютантаў:

– Прыярытэт аддаём тым, хто ўпершыню выступае на сцэне. Што тычыцца традыцый, то як заўжды праходзіць выстава-продаж творчых прац, праводзіцца конкурс малюнкаў на асфальце для самых маленькіх, завяршае фестываль – канцэрт.

Фестываль праходзіць у Пінскім гарадскім парку культуры і адпачынку, куды з’ехаліся ўдзельнікі са Століна, Драгічына, Лунінца ды Іванава.

Пятро Савіч, Беларускае Радыё Рацыя, Пінск

Фота media-polesye.by

[manual_related_posts]