Гарадзенцы паспрабавалі “Смакі Гародні”



У гарадзенскай антыкавярні “Жывы Час” адбылася сустрэча, арганізаваная краязнаўцамі і гісторыкамі, што вывучаюць традыцыі горада над Нёманам.

Кожны прысутны мог паспрабаваць гарадзенскі сэрнік ці пернік, селядзец ў вінным соўсе і македонскую бузу, якой частавалі наведвальнікаў цяперашней вуліцы Савецкай ў 20-я гады ХХ стагоддзя.

Пра смакі і традыцыі распавядае гарадзенскі гісторык Тацяна Касатая:

 – Кожны рэгіён мае свае адметнасці і асаблівасці ў кулінарыі, але мы пра гэта не ведаем, мы гэтым не займаеся, мы гэта не вывучаем. Зараз ідзе такая тэндэнцыя, што адчыняюцца кавярні, якія прадстаўляюць, праўда, не гарадзенскую, а беларускую кухню. Улічваючы, што ёсць нейкія асаблівасці ў Гародні мы вырашылі сваімі рукамі зрабіць стравы, рэцэпты якіх распыталі ў старых гарадзенцаў.

Чалавек, што гатаваў тую ці іншую страву распавядаў прысутным, як яна рабілася, якія складнікі спатрэбіліся і як доўга адбываўся сам працэс.

Напрыканцы сустрэчы кожны з прысутных змог паспрабаваць ці адчуць розныя адметнасці гарадзенскай кухні.

IMG_2433 1

IMG_2484 1

Беларускае Радыё Рацыя