„Калыханка для дарослага мужчыны” ад гарадзенскіх актораў
У кавярні беластоцкага лялечнага тэатра адбылося перфарматыўнае чытанне п’есы „Калыханка для дарослага мужчыны”.
У адмысловым спектаклі ўдзельнічалі тры былыя актрысы Гарадзенскага драматычнага тэатра, якія летась былі звольнены за пратэсты, пасля чаго з’ехалі ў Беласток.
Кажа рэжысёр пастаноўкі Сяргей Курыленка, які таксама быў звольнены з Гарадзенскага тэатра:
– П’еса называецца «Калыханка для дарослага мужчыны». Напісала яе Кэран Клімоўскі. Першы раз яна была агучана ў 2011 годзе. Пераклад на беларускую мову Андрэя Хадановіча. Музыку напісаў адмыслова для нашага спектакля Дзяніс Пацюк.
У пастаноўцы былі задзейнічаны актрысы Марыя Мялешка, Валянціна Харытонава і Анастасія Мучко. Рэжысёр Сяргей Курыленка спадзяецца, што спектакль можа будзе паказаны і на нейкіх іншых пляцоўках.
Васіль Кроква, Беларускае Радыё Рацыя
