Кірыл Кедук для слонімцаў іграў Шумана



У Слонімскай дзіцячай школе мастацтваў адбыўся канцэрт уладальніка прэстыжных прэмій міжнародных конкурсаў Кірыла Кедука, які актыўна вандруе па Еўропе з канцэртным турам.

Kedyk1

Кірыл Кедук — беларускі піяніст з сусветным іменем, лаўрэат больш за 15 міжнародных конкурсаў. Артыст выступаў на самых прэстыжных канцэртных пляцоўках. У ліку іх — Steinway Hall у Нью-Ёрку, Mozarteum у Зальцбургу, Sala Verdi ў Мілане, Bridgewater Hall у Манчэстары, Teatro Politeama Garibaldi ў Палерма, Hamarikyu Asahi Hall у Токіа і іншыя.

Кірыл Кедук нарадзіўся ў Гародні. На Дзятлаўшчыне ў яго жыве шмат сваякоў, а ў вёсцы Хадзяўляны – родная бабуля. Таму бываць на маленькай радзіме яму заўсёды прыемна.

У Слоніме таленавіты музыкант выканаў музычныя творы сусветных класікаў, але найбольш прагучала твораў Роберта Шумана.

Кірыл Кедук горад над Шчарай наведвае ўжо другі раз. І верыцца, што сустрэчы з сусветнай музыкай у выкананні таленавітага маладога майстра, яшчэ будуць.

Барыс Баль, Беларускае Радыё Рацыя, Слонім

[manual_related_posts]
  • http://vk.com/id142474036 Ольга Новгородская

    Кирилл Кедук действительно выступал в детской школе искусств г. Слонима, но произведений Р. Шумана не исполнял вообще! В программе были: Л.В.Бетховен соната для ф-но №23(аппассионата), Ф. Шопен Полонез-фантазия, и М.Равель Вальс.

Комментарии для сайта Cackle