У в. Шусьцянцы (Дынабургскі пав.) нарадзіўся Уладзімер Кавалеўскі, прыродазнавец, заснаваньнік эвалюцыйнай палеанталёгіі, удзельнік паўстаньня 1863-64.

1873

Памёр Антон Руткоўскі (нар. у 1805), педагог, бібліятэкар, удзельнік паўстаньня 1830-31.

1882

У мяст. Шацк (Пухавіцкі р-н) нарадзіўся Аляксандар Мікульчык (пам. пасьля 1918), беларускі паэт.

1889

У Дзюдзергофе (пад Пецярбургам) памёр Аляксандар Гінтаўт Дзевалтоўскі, беларускі рэлігійны дзеяч, удзельнік нацыянальна-вызвольнага руху на Гарадзеншчыне.

1941

У Асьвенціме загінуў Максіміліян Кольбэ, рымска-каталіцкі дзеяч, які ахвяраваў жыцьцём за іншага чалавека. Пазьней кананізаваны.

1941

Было заключана савецка-польскае пагадненьне, на падставе якога была створана армія Андэрса, у якой было шмат беларусаў (ваявала на тэрыторыі СССР у жн. 1941-сак. 1942, потым была перакінута ў Іран, Ірак, ваявала ў Афрыцы і Еўропе).

1958

У Чыкага (ЗША) памёр Эдзюк Будзька, беларускі паэт, публіцыст, грамадзкі дзеяч. Пахаваны на магілках Сьв. Войцэха.

1975

У ЗША Янкам і Станіславам Станкевічамі быў заснаваны Вялікалітоўскі фонд імя Льва Сапегі – прыватны дабрачынны фонд для разьвіцьця беларускай навукі.

1985

У Крэўскім замку і на Янавай гары пад Крэвам інтэлігенцыя зь Менску, Маладэчна, Гародні адзначыла 600-ыя ўгодкі Крэўскай уніі.

Сёння

Слухайце таксама: Даты тыдня