Памёр заснавальнік музея Першай сусветнай, мастак Барыс Цітовіч
Пра гэта нам паведамілі сябры Барыса Барысавіча.
Не стала мастака раніцай 20 кастрычніка.
Барыс Цітовіч нарадзіўся 28 чэрвеня 1948 года. Працаваў ў станковай і кніжнай графіцы, жывапісе, іканаграфіі.
Ён вядомы як стваральнік мемарыяльнага комплексу памяці ахвяраў Першай сусветнай вайны ў Заброддзі, на Вілейшчыне.
Лаўрэат прэміі «За духоўнае адраджэнне», кавалер ордэна Скарыны.
