Паштоўка, прысвечаная Аляксею Карпюку



У Слоніме выйшла з друку арыгінальная паштоўка, прысвечаная беларускаму пісьменніку, заслужанаму дзеячу культуры Беларусі, лаўрэату Літаратурнай прэміі імя Івана Мележа Аляксею Карпюку (1920-1992).

Паштоўку падрыхтавалі і выдалі пісьменнік Сяргей Чыгрын і бібліятэкар Юлія Стралкоўская.

Дарэчы, гэта першая паштоўка ў Беларусі, прысвечаная вядомаму літаратару Гарадзеншчыны, аўтару славутай аповесці «Данута». Выхад яе прымеркаваны да 100-годдзя пісьменніка. На паштоўцы адлюстраваны партрэт пісьменніка, выявы некалькіх ягоных кніг. А на адваротным баку выдання – кароткая біяграфія Аляксея Карпюка.

Барыс Баль, Беларускае Радыё Рацыя